الا ياطـير ياللــي في سماء نجـد اكسـر الجنحـان...

هلآأإ وغلآأإ :gfdfds:

أخبـــآأإركـــم

^
^
^
^

جبت لكـــم ابيآآت راقت لــــي اتمنى انها تعجـــبكــم.. :fdfsdbg:

____________________________________________________
____________________________________________________

اقاسي لوعة الفرقا من الهجـران والحرمـان
بلا ذنب(ن) جنيته قـرر المحبـوب ينسانـي

قسا فالحكم لكني اعـده لـي مـن الاخـوان
معـه عـذره ولكنـي اباابقـى دايـم اعانـي

صحيح ان الموادع صعب خص ان كان للخلان
تكسّر عبرتي والدمع يجري فـوق الاوجانـي

من الصدمة تزلزل كل ضلع(ن) شامخ البنيـان
وانا من بعـد ماقـرر يـروح انهـد بنيانـي

انا ماانساه يوم انه سقـى بستانـي العطشـان
ولكن بعـده ابتذبـل جميـع زهـور بستانـي

وانا ماانساه يوم انه ضحك في ثغـره الفتـان
يشوقنـي ليامنـه كتـب عذبـات الالحـانـي

وانا ماانساه يوم انه يصارحني بسـر(ن) كـان
وحلفت السر مايظهر ولاينطـق بـه لسانـي

صحيح انه تركني ماترك حتى لـي العنـوان
ولكـن حبـه بقلبـي فـلا يـوزن بميزانـي

انا ماكـان ودي ذي نهايتهـا لاعـز انسـان
ولكن القدر يحكم ونرضى الحكـم لـو كانـي

سقى الله دار محبوبي بهمال(ن) من الامـزان
ولو يقسى علي اقبل وانـا مانيـب زعلانـي

الا ياطير ياللي في سما نجد اكسـر الجنحـان
توجـه لـم دار اللـي قسـا وقتـه وجافانـي

وقل له مستحيل انه يجي فـي خانـة النسيـان
عسى ربـي يوفقـه ويحفظـه ويـن ماكانـي

انا ودعته الله والولـي ربـي عظيـم الشـان
حماه الله من الاخطار وايضا الـرب يحمانـي

ابيع الروح له فدوة ولو يطلـب مـن الاثمـان
واقول ارجوك لاترحل كفاني منـك ماجانـي

عسانا نلتقي في جنة(ن) ينعـم بهـا الولـدان
عسى ربي يحقق رغبتي والقى مـن ابكانـي

وهذي قصتي وضحتهـا لـو مالهـا عنـوان
ولكن اللبيب اللـي يعـرف بـدون عنوانـي

_______________________________________________
________________________________________________

هآآه أن شـــاء الله راقت لكـــم .. :mmmmm: