وصفات منوعه بجربوها خفيفه وسريعه ولذيذة

بسم الله الرحمن الرحيم والصلاة ع افضل الانبياء والمرسلين
وبعد:
جايبه كذا وصفه وان شاالله تعجب الجميع ولكم كل الحب والاحترام


طريقه عمل حلى الفسفور
المقادير:
تحطي في قدرصغير:(1كاسة الشاي الصغيره سكر+5ملاعق ك حليب جاف+1ملعقه ك دقيق+1ملعقه ك نشاء+فانيلا+وكاسه ونص ماء تخلطيها بالمضرب تمام حتى تختلط وتحطيها ع النارمع الاستمرار في التحريك اهم شي التحريك سريع لين تصبح ثقيله نوع ما زي الكسترد تقريبن وترفعيها من النار
تكوني رصيتي طبقه من البسكوت في صينيه تحطي عاد الخليط وتكملي الطبقات وتبشري عليها جلكسي او من نفس البسكوت ادا بقي وتدخليها الثلاجه تبرد وتقدميها بالعافيه ع قلبك
ملاحظه ممكن تقسمي الخليط وتحطي شوكلاته ع جزء والتاني ابيض وممكن تسويها طبقات او تحطي الشوكلاته لكل الخلطه وهدا حسب رغبتك

طريقه عمل سلطه الزبادي مع البطاطس والباذنجان
المقادير:
1بطاطس مقطعه مربعات صغيره +1باذنجان مقطع مربعات صغيره +علبه زبادي كبيره+ملح+خل ابيض+سماق
+شابوره مكسره صغار او عيش مقلي
الطريقه:
تقلي كل من البطاطس والباذنجان في الزيت
تخلطي الزبادي والملح والخل مع بعض عاد انت توزني الملح والخل
تجيبي زبديه وتحطي طبقه باذنجان وبعدين طبقه زبادي وبعدين طبقة بطاطس وبعدين طبقه زبادي واخرشي تحطي عاد العيش او الشابوره وترشي عليها السماق وبالعافيه
ملاحظه:ادا ما توفر السماق مومشكله ممكن زعتر او نعناع او بلاش منهم لان العيش او الشابوره تكفي يعني ع حسب ذوقك والف الف الف عافيه
وان شاالله تعجبكم الوصفات اللي ارسلتها وتجربوها ولكم منى كل الحب والاحترام ع دخولكم لمشاهدت للوصفات