[size=18]
حصيصه الله يهديها ويهدينا أجمعين...........
في يوم من أ يام عيد الفطر السعيد ذهبت أم حصيصه ومعها ابنتها المصونه حصيصه الى بيت العم الوسيم الكريم كالعاده
ذهبت الأم الى غرفة الجلوس وذهبت حصيصه الى الحوش لترى ملابس بنات عمها وخالاتها وأبناء العمومه والخوال<<يحليلهم وخوالهم وعمانهم حيل مع بعض <<ان السبب في هذا هو الاختراع قصدي العم الوسيم الكريم انه يعزم أهل القرية بأكملها <<ياللهول
بينما تقرقر الأم مع حبيبتها أم مبارك ولكن اللي قطع هرجهم عليهم هو الصراخ اللذي هز البيت هزا فتقاطع أم مبارك أم حصيصه وتقول :
أم مبارك::أم حصيصه هذا مو كأنه صوت بنيتس حصيصه
أم حصيصه :ويخبطها قلبها الا والله انس صادقه
تو ها بتقوم الا و((دربك دربك))انها حصيصه أتتهم وذهلت امها في رؤية ابنتها مفلولة القرون وصار هذا الهرج ::
حصيصه::وااااااااااااااااااااااااااااع يماا يماا شوفي نويروه فلة ثعري <<ان مشكلة الثرم تكمن في أن حصيصه تبلغ من العمر سنتان و15 عشرة قرنا
الأم ::ههههه(تضحك من خاطرها على عوابة أقصد برائة الأطفال التي تسود جو العائله المصونه
وتكمل قائلة::وليش فكته النوري
حصيصه : يما نويثر تهاوش وياها وفك ثعرها وانا دحكت عليها
فتطبع الأم قبلة على خديدات ابنتها المصونه قاائلة::خلاص ونا امس امسحي دميعاتس انا الحين بزين لس شعرس ولاعاد تضحكين على النوري تراها صقيقتس
((دربك دربك ))تخرج حصيصه من المجلس وتكمل الأم حوارها الشيق مع أم مبارك
وفي هذه الأثناء تحط الغداء مرة العم الوسيمه والكريمه أيضا<<ياللهول انهم أسرة جميلة جدن جدن
وعندما فطحوا الحريم من الغداء الكريم والوسيم أيضا<<ياللهول ان غدائهم وسيم أيضن هه هه هه
الا ويشيل البيت صراخ طفل برئ <أكيد عرفتموه انها العوبه حصيصه
فيخبط أم حصيصه قلبها وتسبدها الكريمه والوسيمه<<عفون غلط مصبعي
و((دربك دربك))تقبل حصيصه على حضن أمها الدافئ لتقول::
حصيصه::يمااااااااااااااااااا يمااااااااااااااااااا شوفي ثليطين فك ثعري <<ياللهول برائتها جميلتن جدن جدن
الأم :هه هه هه وتلف على حبيبتها أم مبارك وتقول::شايفه ونا اختس البرائه حقت البزارين هه هه هه هه <
الأم :خلاص ونا امس امسحي دميعاتس وانا بزين لس شعرس احسن من قبل شوي ولاعاد تلعبين مع العيال العبي مع النوري انها صقيقتس الكريمه والوسيمه أيضن<<من جد هالعائله تهبل جدن جدن
وتطبع الأم قبلتن دافئتن ع خديدات ابنتها المصونه وتودعها لتخرج حصيصه مسرعتن الى الحوش لتلعب وتمرح وتلهو مع الوغدان الكريمين والوسيمين <
........................................................................................
معليش ابيكم تنتقلون معي بخيالكم الى 22سنه <<البنيات يكبرن بسرعه
في هذه الأثناء أصبح عمر حصيصه 24 سنه و15 عشرة قرنا
((طراخ طراخ))انها طرق نعال حصيصه مقبلة من غرفتها
لتدفش باب غرفة امها التي أصبحت مسنه في السن <<حللوه
ودار هذا الهرج ::حصيصه ::يما شوفي ترانا اليوم بنروح لعيد ميلاد صقيقتي
الأم ::أي وحده؟؟
حصيصه::ماتعرفينها توي تعرفت عليها يما تراها مطنوختن بالحيل يعني شوفي أبيس تقطين برقعس هذا لأنه بصراحه يفشل<< يامال الماحق اللي يفشلس من زينس انتي ووجع احد يحاكي امه تسذا
الأم ::منزلتن راسها وتقول:بس وناامس مااقدر انزله ماتعودت انزله
حصيصه::لا اان شالله بتعرفين تدرين شلون اصعدي غرفتي بعد ربع ساعه ونا بزين شكلس بسوي لس تسريحه ينجنون عليها الحريم يما هذولي مطاااانيخ يعني لازم نروح لهم وحنا كاشخين طيب <<جعلتس تروحين ولاعاد ترجعين
زينت حصيصه لامها تسريحه وخلتها أصغر من عمرها ودقت ع اخوها الوسيم والكريم <<يوه يحليل هالجمله من زمان ماقلتها هههههههههههه
وانطلقوا ووصلوا بيت الصقيقه المطنوخه وحصيصه توصي أمها شوفي الشعره اللي ع ليمين خليها نازله
واللي ع اليسارارفعيها ولاتحركين شعرس واجد عشان مايخرب شكلس طيب ((الأم منزله راسها وتقول طيب ماتبي تفشل بنيتها حبيبتها وكل هذا لأن الضنى غاااااااااااالي)))
وبينما حصيصه واقفتن مع صقيقاتها اللي يجيبن المرض الا وهي تخز امها ذيك الخزه <<يقالك معصبه
وتروح لأمها وتحط يدها ورا ظهر أمها<<يقالك تحب أمها وحنونه <<جعلها الماحق اي والله
وتقول لأمها::يمه انا ماقلت لس لاتخربين شعرس فشلتيني استغفر الله بس امشي معي اروح اعدله<
وعدلت شعر أمها وقالت لها شوفي الشعره اللي ع ليمين نازله واليسار ايش؟؟قالت أمها نازله... قالت اي كذا امشي اخرتيني ع صقيقاتي<<ياجعلكن الماحق
وبينما تحتفل الأسره المطنوخه بعيد ميلاد ابنتها وخلصوا ... الا ومشاعل تقول لصقيقتها هذيك أمك صح قالت حصيصه كاشخه يمظهر أمها:يس هذيك هي
وهي تأشر عليها شافت التسريحه خربت و((طرااخ طراااخ)) الى أمها امها يوم شافتها خافت منها
ودار هذا الهرج::حصيصه::يما الظاهر انتي مو كفو اوديس عند ناس كذا الشرهه مو عليس على اللي يوديس معه ثاني مره...<
وكل هذا عشان الشعره اللي ع ليمين واليسار ضايقتها ورفعتها فووق<
.................................................................................................................
أتمنى تكونون فهمتوا وجهة نظري من هالقصه الكريمه والوسيمه أيضن
ان خلاصة هذا الموضوع هو ((((بر الوالدين))):h3 h3 h3:
شوفوا شلون الأم بصغرنا قد ايش مبسوطه ببرائتنا حتى لو خربنا البيت فوق تحت وعفسناه وهي توها مرتبته ومزينته يمكن تتضايق بس تقول أطفال وهي تتعذر بكذا لأنها تحبنا وماترضى ع زعلنا
أنا ماأقول اني كامله والكامل وجهه ومااقول اني باره في امه امي وابوي ميه بالميه لابد في يوم الانسان يغلط بس لازم انه يتدارك خطأه قبل فوات الأوان لأنه بيجيه يوم يتمنى كل شي يرجع زي قبل ومايغلط اي غلطه بحقهم
فعشان كذا أنا سويت هالموضوع عشان نسوي في المنتدى حمله ((لبر الوالدين)) يعني نحاول قد مانقدر من اليوم ورايح مانزعل والدينا ولانضايقهم ابدن ونبغى نتعاهد على كذا وأنا من الحين :h3 h3 h3:
أتعاهد اني أحاول قد ماأقدر اني أسعد والديني وماأضايقهم أبدا وماأنساهم من دعائي ....((وهـ بس ياحبني لهم))
وتذكروا ان وعد الحر دين .. ..
ماأحلل اللي يسرق موضوعي.. كيفي طلعته من مخي .... ودي شوشو...
[/size]
<<ماتحب الردود المختصره :affraid: 
